Joriy yilning 30 oktabr kuni Sirdaryo viloyati musiqali drama teatrida rejissyor Oʻzbekiston xalq artisti Valixon Umarov tomonidan sahnalashtirilgan “Alpomishning qaytishi” (Usmon Azim asari) spektaklining O‘zbekiston Respublikasi madaniyat vazirligi badiiy kengashiga taqdimoti bo‘lib o‘tdi.

Mutaxassislar tomonidan spektakl yuqori baholandi va shu bilan birga asarni yanada boyitish yuzasidan taklif va tavsiyalar berildi.

O’ziga xos yangicha va zamonaviy yondashuv asosida sahnalashtirilgan mazkur asar kelajagi haqida iliq fikrlar aytildi.

Kengash tomonidan spektakl qabul qilindi va tomoshabinlarga namoyish etishga ruxsat berildi.